Þriðjudagur 24. nóvember 2009

Í dag hefur þetta blogg mitt notið meiri vinsælda en áður hefur þekkst ...

Sennilega er það þó ekki vegna þeirra staðreyndar að fólk hafi uppgötvað hversu mikill snillingur ég er ...

.... heldur sú að fólk hefur áhuga á þeirri massífu uppgötvun að herra Helgi Seljan, sjónvarpsmaðurinn knái og herra Derrick, lögreglumaðurinn knái, eru nánast eins í útliti (sjá nánar hér) ...

Þar kom að því að bloggið mitt næði margumtalaðri15 sekúndna frægð ... sem er gott ...

---

Fyrir þá sem hafa meiri áhuga á mér og mínum, en Helga og Derrick, er gaman að segja frá því að Íslandsdvölin hefur gengið afskaplega vel.  Planið sem lagt var upp með í byrjun ferðarinnar gekk upp í öllum meginatriðum.

Fyrirlestrarnir tókust ágætlega, vinnutörnin á Blönduósi var "effektíf", tveir frábærir fundir hjá samtökunum Umhverfi og vellíðan, aðalskipulagsvinnan fyrir Djúpavogshrepp kláraðist, góð veisla var haldin á laugardaginn, auk þess sem margt skemmtilegt fólk varð á vegi mínum, bæði í heimsóknum og á förnum vegi ...

Til að setja punktinn aftan við, þá hóaði Leifur Hauksson í Samfélaginu í nærmynd á Rás 1 í mig í gær og fékk mig í stutt spjall og geta áhugasamir hlustað á viðtalið hér (klikka á Umhverfissálfræði). 

Hvern rakst ég svo á í Efstaleitinu??  Títtnefndan Helga Seljan ... !!!

... mér sýnist hringurinn því hafa lokast ... og tími til kominn að "pilla sér" ...

Næsta blogg verður frá Uppsala annað kvöld ... ef guð lofar ...

Athugasemdir

[Stjóri (IP-tala skráð) 25.11.2009 kl. 01:23]

Frábært að heyra allt að hafi gengið glimrandi á klakanum og kærkomið að hitta loksins á þig og þína. Skemmtilegt spjallið sem þú áttir við Leibba Hauks - hreint ótrúlegt þetta með byggingarnar í Bandaríkjunum!!

Bið kærlega að heilsa ykkur og góða ferð til Uppsala á morgun!