Mánudagur 5. júlí 2010

Það er komið nýtt uppáhald hjá heimasætunni ... og það uppáhald heitir Dóra landkönnuður.

Sú stutta fær aldrei nóg að horfa á Dóru, sem hún reyndar kallar "Dónu".  Í dag var GHPL veik og fékk því að horfa á nokkuð ríflegan skammt af "Dónu" ... en þrátt fyrir það gjörsamlega trompaðist hún þegar slökkt var á herlegheitunum núna í kvöld.

Og það gerist alltaf þegar slökkt er á Dóru landkönnuði.

Dóra landkönnuðurinn er því ókrýnd drottning afþreyingarinnar í augnablikinu.  Hún er greinilega alveg rosalega skemmtileg.

Sunnudagur 4. júlí 2010 - Í Furuvik

Í dag skrapp sama "gengið" og var í Fjällnora í gær, til Furuvikur.

Þar er hægt að fara í tívolí, skoða dýr frá öllum heimshornum og skreppa í sund.

Það var því annar góður dagur hér í Svíþjóð í dag ...

 
Á fleygiferð í rússibana ...

Laugardagur 3. júlí 2010 - Í Fjällnora

Þá er maður kominn frá Þýskalandi ... og deginum var varið í Fjällnora, sem er svæði rétt utan við Uppsala.   Þar var veðursins notið á ströndinni ... en í dag var rétt um 30°C hiti og glampandi sól.

Félagsskapurinn ekki af verri endanum ... Arna, Karvel og synir og Linda og dætur hennar.

Óhætt að segja að dagurinn hafi verið afskaplega ánægjulegur. 

Skroppið á róluvöllinn meðan beðið var eftir að ferðafélögunum.