Fimmtudagur 22. október 2009 - Heima er best

Eins og síðustu daga hefur tilveran snúist mikið um leikskóladvölina ...

... dálítið erfitt í dag ... t.d. datt dóttirin um "húllahring" sem hún var að rogast með.  Hún sumsé datt inn í hringinn ... var dálítið kostulegt áhorfunar (er hægt að segja þetta svona - áhorfunar?!?!).

Datt svo aftur þegar hún var að beygja sig eftir skóflu og vísaði undan ofurlitlum halla á gangstéttinni.  Sú ferð endaði á enninu og nefinu ... var líka kostulegt áhorfunar.

Var nánast sofnuð í hádegismatnum ... ofan í grautarskálina ... þrátt fyrir að aðeins 2,5 klukkutímar hefðu liðið frá því hún vaknaði eftir 12 tíma svefn. 
NB! Svíar borða hádegismatinn frekar snemma ... ég hef heyrt af iðnaðarmönnum sem finnst það sjálfsagt mál að fara í hádegismat kl. 9.30 á morgnanna!! 
Hádegismaturinn á leikskólanum er kl. 11.30.

Eftir hádegið var einn strákurinn sem er höfðinu hærri en Snuddan, afskaplega iðinn við að koma og öskra framan í hana ... þá má ímynda sér ánægjuna með það ...

Svo þegar heim var komið var GHPL eins og sól í heiði.  Það virðist vera að henni finnist að "heima sé best".

Hér er dóttirin kúfuppgefin eftir leikskólann ...

Og hérna er verið að undirbúa háttinn ... umkringd bókum.  Það held ég að afa hennar hefði nú líkað þessi dæmalausi bókaáhugi.

 

 

 

Athugasemdir

[Helga Guðrún og Halldór Pálmar, 23.10.2009 kl. 17:57]

Ekkert smá krúttleg mynd af henni í sófanum, þreytan leynir sér ekki :O) Þetta eru líka engin smá átök hjá svona litlu skotti, að eiga allt í einu að leika innan um ótal aðra litla varga sem halda líka að þeir eigi allan heiminn :)
En vitiði til, áður en varir þá verður svo gaman á leikskólanum að hún má varla vera að því að kveðja ykkur á morgnana!
Knús frá okkur Bjarna Jóhanni

[Páll Jakob Líndal, 25.10.2009 kl. 22:15]

Ég efast ekki um að dóttirin á eftir að finna fjölina sína á leikskólanum ... það má þakka fyrir ef hún leggur hann ekki bara undir sig fyrir rest ;) ... sjáum aðeins til með það ...