Laugardagur 18. febrúar 2012 - Skortur á sænskukunnáttu og Bond

Skruppum til Stokkhólms í dag. Matarboð og hittingur hjá Söndru og Rolf. Alveg hrikalega góður matur ... og bara fín stemmning.

Fékk alveg svakalega mikinn og stóran skammt af sænsku í dag. Sænskukunnáttan hjá mér er náttúrulega fyrir neðan allar hellur eftir þennan tíma hér í Uppsala.
En svona er það bara ... ég hef lítið komið mér í þá aðstöðu að hafa þurft að tala sænsku hérna. Sit heima með sjálfum mér á daginn og skrifa á ensku og les á ensku. Umgengst mest Íslendinga þar fyrir utan.

Þetta er annað en Lauga sem þurfti á degi nr. 1 að byrja að tala sænsku í vinnunni. Enda er hún bara orðin ansi góð finnst mér ...

... það er samt eitthvað svo hrikalega, ömurlega hallærislegt að vera svona lélegur ennþá ...

---

Skilaði af mér í gær ágætri skýrslu þar sem viðhorf ferðamanna á Djúpavogi voru athuguð. Fínt að koma því frá sér.

Það má nálgast stöffið hér ef áhuga er á. 

---

Jæja, ætli sé ekki best að fara að horfa á "The world is not enough" ... James Bond mynd á TV4 í kvöld. Hálfpartinn búinn að lofa Laugu að horfa með henni ...

... ágætt að fara að standa við það ... myndin er örugglega meira en hálfnuð. 

Athugasemdir

[Stjóri (IP-tala skráð) 19.2.2012 kl. 00:37]

Það er völlur á mínum þessa dagana:) Frábært viðtalið við þig í Læknablaðinu og rannsóknin á viðhorfi ferðamanna á Djúpavogi náttúrulega stórgóð. Ekki amalegt að stúdera Djúpavog og nágrenni - vinalegri og fallegri staðir eru vandfundnir.

Bið kærlega að heilsa Laugu og hinum snillingunum ... og vonandi skemmtir þú þér vel yfir restinni af 007 :)     

[Páll Jakob Líndal, 19.2.2012 kl. 23:32]

Það er bullandi völlur :D ...

Kærar þakkir fyrir kveðjuna :)