Pakki og matarboð

Fyrsta bloggfærsla júlímánaðar 2008 er hér að líta dagsins ljós ... og verður hún í styttra lagi, góðir lesendur mínir.

En af okkur er það að frétta að fleiri góðar gjafir hafa borist okkur og á þriðjudaginn, ... já ég skammast mín af hafa ekki bloggað um þetta fyrr en nú ... barst okkur veglegur kassi frá frændfólkinu úr Breiðholtinu.  Hafdís ömmusystir og Bjarni frændi, Helga frænka, Stjóri frændi, Dóri Bjarni frændi, Erik frændi, Andrea frænka, Helena frænka og Ísak Elí frændi ... allt þetta fólk sendi frænkunni í Sydney góðar gjafir, sem ég fyrir hennar hönd þakka óskaplega vel fyrir!!

Fataskápurinn er orðinn kúffullur!!

Í gærkvöldi buðu Fjóla og Neil okkur í mat ... sem var náttúrulega alveg frábært.  Sydney naut sín í botn í faðmi þeirra beggja ... (ég fékk þessar myndir af myndasíðunni hennar Fjólu ... takk fyrir það, Fjóla!!)

Fjóla og Neil voru sumsé fyrst allra til þess að bjóða Sydney í matarboð, og það frábærasta af öllu var að þau lögðu lítinn disk á borðsendann, svona til að enginn væri skilinn út undan ... alveg æði!!