KISStory 28. júlí 2007

Múrenan er mikill aðdáandi hljómsveitarinnar KISS ... og hefur verið það allt frá því 1983 eða frá liðsmenn hljómsveitarinnar felldu grímurnar í fyrsta sinn og hin magnaða plata Lick it up kom út ...

Þrátt fyrir að ýmislegt hafi gengið á í sögu þessarar merku sveitar, bæði fyrir og eftir að Múrenan hafði vit á því að verða aðdáandi, þá mun 28. júlí 2007 óneitanlegan verða talinn með stærstu dögum hennar.  Því þá, í fyrsta skipti í 34 ár, lék hljómsveitin á tónleikum sem tríó og það sem meira er, hún lék án þátttöku gítarleikarans og söngvarans Paul Stanley (þess sama og Múrenan vitnaði í fyrir nokkrum dögum).

Ástæða þessa var hjartsláttaróregla sem gerði vart við sig hjá kappanum í svokölluðu "sánd-tékki", þegar tónleikar gærdagsins voru í undirbúningi í Soboba kasínóinu í San Jacinto í Kaliforníu.  Þetta voru lokatónleikarnar í ofurlítilli tónleikaferð sem bar heitið "Hit & Run 2007".  Áhugasamir geta lesið frekar um þetta á www.kissonline.com.

Frétt sem þessi snertir viðkvæmar taugar í Múrenunni, því þótt tengsl Pauls og Múrenunnar séu ekki á persónulegum nótum, þá hafa fleiri myndir hangið uppi af Paul Stanley í híbýlum hennar en af nokkrum öðrum manni lifandi eða dauðum, þó hugsanlega að Gene Simmons félaga Pauls í KISS, undanskildum.

Paul gengir því stóru hlutverki í lífi Múrenunnar, án þess að hann hafi hugmynd um það ...

... í þessu ljósi skilur Múrenan vel það sorgarferli dyggustu aðdáendur Harry Potter þurfa að ganga í gegnum þessa dagana ...

... því það er alltaf sorglegt þegar einhver sem skiptir máli er veikur eða hverfur af sjónarsviðinu!!    Svo einfalt er það nú bara!!

Athugasemdir

[AK (IP-tala skráð) 29.7.2007 kl. 02:12]

Var að koma heim úr matarboði hjá Sæberg þar sem saman voru komnir nokkrir meðlimir Hjartansmáls klíkunnar: Þóra, Dagrún, Elmar og Adda, ég og Sæberg. Þú barst þó nokkuð á góma og þín var sárt saknað!! Við sendum okkar bestu strauma niður á 'hinn' helming jarðar og mátt vita að hér bíða þín frábærar gamlar ljósmyndir!!!

Knús, AnnaKlara

[Páll Jakob Líndal, 29.7.2007 kl. 03:47]

Váááá ... kærar þakkir fyrir þetta ... gaman að vita að einhverjir sakna Múrenunnar ...

Hlakka mjög að sjá þessar myndir ... mjög spennandi!!!