Áfram Blönduós

Blönduós er eitt vanmetnasta svæði á Íslandi, yfirleitt kallað "skítapleis" að minnsta kosti svo ég heyri.  Jú, jú auðvitað er ekkert merkilegt við byggðarlagið, þegar þeyst í gegnum það, með skeifu á munni og eina hugsunin er að stoppa í ESSO-sjoppunni til að kaupa sér kók og með'í, "ef kók er á annað borð til í þessu hraksmánarlega krummaskuði". 

En ef fólk gefur sér tíma er Blönduós afar áhugaverður bær ... í gamla hverfinu "innan við ána" þ.e. hverfinu að sunnanverðu við Blöndu, er safn húsa, frá hinum ýmsu tímabilum 20. aldarinnar, sem mynda mjög skemmtilegan byggðarkjarna.  Ástand margra þessara húsa er ef til vill nú um stundir ekkert sérstaklega gott en uppbygging hefur átt sér stað og vonandi ber Blönduósingum gæfa til að varðveita þessa byggð.  Hinu megin árinnar blómleg byggð, merkilegt heimilisiðnaðarsafn og safn Halldóru Bjarnadóttur.  Við ósinn sjálfan er afar glæsilegt útsýni, þar sem Húnaflóinn blasir við og ef gott er veður sjást Strandafjöllin.  Sólríkt veður er líka ávísun á fallegt sólarlag á Blönduósi.

Ég er því ekki undrandi að heyra að ekkert íbúðarhús sé á sölu á Blönduósi, fólk vill bara búa þarna.

Ekkert einbýlishús til sölu á Blönduósi

Athugasemdir

[Helga Snædal (IP-tala skráð) 20.2.2007 kl. 12:30]

Svo eiga líka foreldrar Iðunnar heima þar

Gaman að rekast á þig á blogginu!

Rembingskoss  

[Páll Jakob Líndal, 20.2.2007 kl. 13:10]

Kærar þakkir fyrir þetta Helga!  Já, auðvitað eiga foreldrar Iddu heima þar, þau Aðalbjörg og Vignir ... hvernig gat ég gleymt þeim í upptalningu minni!!

En jafnframt eiga fleiri skólafélagar mínir rætur sínar að rekja til Blönduóss ... t.d. bræðurnir Svabbi og Gummi, nú Júlía systir Halla, og náttúrulega Halli sjálfur ... sungum saman í Raddbandafélaginu fyrir nokkrum árum.  Svo býr Nunna á Hnjúki á Blönduósi og fleiri og fleiri ...