3ja mánaða afmæli

Þá er Guðrún orðin 3 mánaða ...

Það er svolítið erfitt að segja fyrir um hvort mér finnst það vera mikið eða lítið ... því mér finnst dóttirin hafa verið til nánast alla mína ævi, en á sama tíma tíma er rosalega stutt síðan hún fæddist ... ?!?

Jæja, allavegana þá var haldið upp á afmælið með pompi og prakt.  18 vinir voru viðstaddir, allt frá dúkkunni Stínu, yfir í Úrið og bleika bangsann.  Sjón er sögu ríkari ...

Nokkrir félagar mættu snemma í boðið ...

Afmælið byrjað ...

Í dag var að auki feðradagur hér í Ástralíu ... kannski var hann líka alls staðar annars staðar í heiminum ... ég veit það ekki ...
En í tilefni dagsins færði dóttirin föður sínum fyrstu gjöfina, og lítið kort sem stóð í: "Til pabba. Frá Guðrúnu."
Ég veit ekki hvað er eiginlega að koma yfir mig, en auðvitað fékk ég þvílíkan kökk í hálsinn að ég mátti vart mæla svo mínútum skipti ...

Í dag sýndi dóttirin einnig hvers hún er megnug, þegar hún sat teinrétt í lófanum á mér án nokkurs stuðnings ... lék svo sannarlega listir sínar fyrir áhorfendur!!!

Henni er greinilega svo eðlislægt að sýna listir sínar að hún kippir sér ekki einu sinni upp við það!

Þess má svo að lokum geta að stórvinur minn Jón Þór á afmæli í dag ... karl orðinn 34 ára!!  Enn einu sinni er hann búinn að ná mér! 

Athugasemdir

[Stjóri (IP-tala skráð) 8.9.2008 kl. 01:39]

Til hamingju með áfangann...og gaman að sjá hve góð mæting var í afmælið! Frábært að sjá hana svona teinrétta í lófa föður síns  

[Helga S (IP-tala skráð) 9.9.2008 kl. 14:45]

Vá, til lukku með 3ja mánaða afmælið. Gestirnir hafa vonandi ekki verið eins svakalega fjörugir og þeir sem mættu í 9 ára afmæli á mínu heimili á dögunum . Flott að sjá hvað stelpan stendur sig vel í jafnvægisæfingunum, og ekki leiðinlegt að sjá stoltið sem skín af pabbanum