Mánudagur 9. maí 2011 - Hlutirnir ganga smurt

Veðrið var afskaplega notalegt í dag hér í Uppsala ... sól og skafheiður himinn ... hiti um 23°C.

Þetta er lífið ... sannarlega eftirsóknarvert eftir þennan massífa vetur hér í Svíþjóð.

---

Hlutirnir ganga smurt ... Tani H hagar sér eins og engill og Guddan fær ótal hugmyndir sem hún hikar ekki við að hrinda í framkvæmd hratt og örugglega.

Hún hefur mikið verið að kanna hvernig efni í fljótandi formi hagar sér ... og er búin að hella niður svona 200x sinnum á síðustu þremur dögum.  Í eitt skiptið lét hún eplasafa gossa ofan á fartölvuna hennar Laugu ... og núna virkar 50% af lyklaborðinu.

Það eru fleiri tilraunir í gangi ... t.d. að sulla í eldhúsvaskinum og helst þannig að allt sé undirlagt.

Já, Guddan lætur hafa fyrir sér og vel það ... sem er bara gaman :) .

 

Athafnakonan Guðrún borðar kodda og les Andrés Önd

---

Svo er náttúrulega gaman að velta fyrir sér hversu lík blessuð börnin eru ... þau virðast nú nokkuð lík ef eitthvað er að marka þessa fyrstu daga ...

Guddan leit svona út þann 10. júní 2008

 

Stubbur leit svona út 6. maí 2011

Já, þetta verður fróðlegt ...

 

Athugasemdir

[Helga Guðrún (IP-tala skráð) 11.5.2011 kl. 10:28]

Já hún er hugmyndarík snillingurinn hún frænka mín :) Mér finnst alveg ótrúlegt að hún skuli hafa áhuga á Andrés Önd teiknimyndum, Bjarni bað mig um að lesa svoleiðis fyrir sig um daginn en hann gafst upp eftir fyrstu blaðsíðuna. Hún er greinilega með mjög þroskaðan les-smekk :)
Og þau eru bæði jafn gullfalleg á fyrstu dögunum sínum og jú, bara þónokkuð lík :)

[Páll Jakob Líndal, 11.5.2011 kl. 21:18]

Já það er óhætt að segja að GHPL sé með góðan smekk fyrir lesefni. Les gjörsamlega allt milli himins og jarðar :) .