Mánudagur 31. janúar 2011 - Snilld og kanína

Jæja ... maður hefur varla við að segja sögur af velgengni spúsunnar ... 

Nú er það bara orðið þannig að samnemendur hennar vilja að hún kenni þeim ... "þú ert miklu betri en kennarinn" sagði einn þeirra í dag.

Það er alveg ótrúlega gaman að þessu.  Ef fram heldur sem horfir sýnist mér að ég geti þakkað fyrir ef ég fæ að vera í uppvaskinu hjá henni ... 

---

Af Guddunni er allt harla gott að frétta ... "Gaman í leikskólanum" segir hún þessa dagana þegar maður nær í hana síðdegis. Þessu ber náttúrulega sérstaklega að fagna enda fjarri því að allir geti gefið leikskólavist sinni viðlíka einkunn.

Í dag fékk hún svona næturlampa ... þ.e. ljós sem hægt er að kveikja á að nóttu til án þess að allt verði flennibjart. Ljósið er í laginu eins og kanína og var stubbur alveg hæstánægður með gripinn. Lét hann treglega af hendi en kaus heldur að ganga um íbúðina, eins og sá sem valdið hefur, með logandi kanínuna í höndinni og endurtaka í sífellu "greyið kanínan".

Kanínan var svo loks tekin úr umferð seint í kvöld eftir að eigandinn hafði átt í mestu vandræðum með að sofna.  Kannski ekki skrýtið þar sem skíðlogandi kanínan varð, allt þar til hún var fjarlægð, að vera staðsett beint fyrir framan nef eigandans meðan hann var að festa svefn. Það er nú kannski álíka árangursríkt og að snúa andlitinu mót sólu þegar er að reyna að sofna ... jafnvel þó þetta sé næturlampi. 

 
Pinnamatur borðaður í kvöld ... umrædd kanína til hægri ...

---

Sjálfur er ég góður ... í dag var ferðamannakönnun sem ég gerði á Djúpavogi í sumar sett á vefinn. Þeir sem hafa áhuga á að kynna sé slíkt geta smellt hérna. 

Svo er væntanlega allt að smella með rannsóknina sem á að fara fram á Landspítalanum mjög fljótlega.

Og loks má segja að vel líti út með síðustu rannsóknina í doktorsverkefninu mínu en í dag fékk ég að vita að tveir nemendur við Uppsala háskóla væru áhugasamir um að sjá um gagnasöfnun í þeirri rannsókn ... sem væri ekki bara snilld heldur gjörsamlega, algjörlega tær snilld ...

Jæja, nóg í bili ... 

Athugasemdir

[Steinunn og Gunnar (IP-tala skráð) 1.2.2011 kl. 10:45]

Þið eru öll sem eitt sem er alveg frábær  

[Páll Jakob Líndal, 1.2.2011 kl. 22:25]

:D

Kærar þakkir! :D

[Stjóri (IP-tala skráð) 1.2.2011 kl. 23:53]

Lauga er náttúrulega snillingur og það kemur mér ekki á óvart að kennarinn sé orðinn óþarfur í bekknum  Guddan heldur áfram að brillera og rannsóknin sem þú gerðir á Djúpavogi er glæsileg og greinin kemur virkilega vel út. Það er ekki hægt annað en að vera hjartanlega sammála Steinu og Gunna - þið eruð öll sem eitt alveg frábær!

[Páll Jakob Líndal, 2.2.2011 kl. 23:00]

Kærar þakkir ... kærar þakkir :D