Fimmtudagur 5. ágúst 2010

Í kvöld bauðst mér fyrirfaralaust að skreppa í báts- og veiðiferð út á Mälaren, sem er stórt vatn í nágrenni Uppsala.

Þetta var mín fyrsta báts- og veiðiferð á ævinni, enda er ég 110% landkrabbi ...

Á myndinni eru auk undirritaðs, Karvel við stýrið, Magnus í miðjunni og Össi til hægri.

Áður en báts- og veiðiferðin hófst var skokktími með Karvel og Sverri.  Gekk það ágætlega.

---

Dagurinn fór að töluverðu leyti í að ljúka við gerð heimasíðunnar minnar.  Núna hefur hún verið uppfærð og geta allir sem áhuga hafa á rannsókninni sem ég lagði fyrir síðasta haust lesið niðurstöður hennar með því að smella hér.

Ég veit að margir af föstum gestum þessarar bloggsíðu tóku þátt í rannsókninni á sínum tíma og því er um að gera að sjá hvað kom út úr öllu saman.

Annars er bara allt í þessu fína.

Athugasemdir

[Stjóri (IP-tala skráð) 6.8.2010 kl. 01:08]

Takk kærlega fyrir hittinginn um daginn en það er alltaf jafn gaman að sjá ykkur. Grjóteyri klikkar náttúrulega aldrei með sína náttúrufegurð og endurheimtareiginleika  

Til hamingju með löngu tímabæra bátsferð ... en hálfur maður og hálf hafmeyja getur varla talist 110% landkrabbi!

Flott heimasíða hjá þér og gaman að sjá niðurstöðurnar. Það er örugglega ekki auðvelt að íslenska herlegheitin en þú gerir þetta með sóma og niðurstöðurnar virkilega vel settar fram.  Bestu kveðjur af klakanum.  

[Páll Jakob Líndal, 6.8.2010 kl. 09:02]

Múrenan þakkar Stjóra fyrir afar hlý orð og skemmtilega hittinga á Klakanum nýverið. :)