Föstudagur 21. maí 2010

Hér í Uppsala eru hlutirnir að gerast ...

... á miðvikudaginn fórum við í útskriftarveislu hjá Örnu vinkonu okkar.  Hún var að lenda doktorsprófi í lífefnafræði.
Ekki lítill áfangi það.

Við flýttum okkur svo mikið í veisluna að við gleymdum myndavélinni ... þannig að það eru engar myndir af herlegheitunum.

En þess í stað set ég hér inn mynd af mér í nýju jakkafötunum ;) ... mynd sem var tekin skömmu áður en við lögðum af stað í veisluna ... ekki dónalegur þarna drengurinn ;) ...

Við fórum auðvitað í veisluna á hjólunum ... ég varð ógurlega glaður þegar ég keðjan fór af hjólinu hjá Laugu.
Ég varð sum sé allur útmakaður í smurningu íklæddur nýju sparifötunum ... :/

Þetta reddaðist samt allt saman ... og veislan var frábærlega vel heppnuð. 

---

Í kvöld skruppum við á Kebab-húsið niðri í bæ.  Ekkert úr hófi fréttnæmt nema fyrir þær sakir að á leiðinni út, brá Houdini undir sig betri fætinum en varð fyrir því óláni að detta og fá blóðnasir.

Blóðnasirnar voru í meira lagi og leit dóttirin út eins og skorinn hrútur. Hálft andlitið útatað í blóði, andlitið á Laugu einnig, sem og nýja lambhúshettan sem Helga frænka sendi og barst okkur í morgun.  Fólk signdi sig og jesússaði.  "Á sjúkrahúsið með ykkur" sagði fólk. 

En foreldrarnir tóku þessu með stóískri ró ... að minnsta kosti faðirinn ... alveg sallarólegur, enda alvanur "blóðnasarmaður".
Enda kom það í ljós að blóðnasirnar hættu mjög fljótlega og Guddan tók gleði sína á ný.

Þessi mynd var tekin af mæðgunum í kvöld þegar Doddi var kominn í gang í tölvunni ... ummerki um blóðnasir greinilegar enda andlitsþvottur ekki þeginn.

---

Svo ætla ég að skrifa eitthvað mjög gáfulegt á bloggið á morgun ... bíðið spennt! 

Athugasemdir

[Helga Guðrún og Halldór Pálmar, 21.5.2010 kl. 21:17]

Litla stýrið að detta svona. Gott að það var ekki alvarlegra en blóðnasir.

Þú ert náttúrulega bara flottur í nýju jakkafötunum :O)

[Stjóri (IP-tala skráð) 21.5.2010 kl. 23:58]

Þú ert náttúrulega glæsilegur í jakkafötunum en samt finnst mér nú myndina af þér hér að neðan betri...vöxturinn kemur betur fram og þú ert allur mikið frjálslegri  

[Steinunn og Gunnar (IP-tala skráð) 22.5.2010 kl. 09:36]

HÆ hæ!

      Já þú ert flottr í nýju fötunum ( en þú ert nú alltaf flottur:)..)

[Páll Jakob Líndal, 23.5.2010 kl. 00:23]

Ég þakka sérlega hlý orð í minn garð :)

Engar blóðnasir í dag.