Þriðjudagur 11. maí 2010 - Samband komið á aftur

Hér í Uppsala hafa hlutirnir svo sannarlega verið að gerast síðustu dagana og enginn tími gefist til bloggskrifa.

En hvað gerðist?

Þann 29. apríl komu Helga, Dóri og Bjarni Jóhann í heimsókn og dvöldu í nokkra daga.  Var sérleg ánægja meðal heimafólks með heimsóknina.

Komudagurinn var nú bara tekinn rólega ... Guddan og Bjarni Jóhann þurftu smá stund að slípa kunningsskapinn.  Svo vel gekk sú slípun að Bjarni var farinn að aðstoða dömuna við að standa upp áður en leið á löngu.

Daginn eftir var Valborgardagurinn haldinn hátíðlegur í Uppsala.  Sá dagur er nokkurs konar "dimmisjó", en allavegana er fullt af fólki í bænum þennan daginn.
Við vorum þar ... og hittum einnig Örnu, Karvel og strákana þeirra.

Hátíðarhöld fyrir framan aðalbyggingu háskólans

Næsta dag ... þ.e. á Verkalýðsdaginn var skroppið í Gränby Centrum, m.a. til að versla skó á blessaðan drenginn.
Þegar því var lokið tókum við Dóri okkur til og skruppum með stubbana í 4H Gränby, þar sem mátti sjá ýmsa ferfætlinga.  Vakti það jafnt hrifningu, sem og hræðslu.

Og um kvöldið fékk fröken Houdini klippingu ... ánægjan var í minni kantinum ...

Um kvöldið var svo rokkveisla að hætti hússins ... og þar var þessi mynd tekin ...

 

Á sunnudeginum var farið til Stokkhólms.

Í Kungsträdgården

M.a. var skroppið í Skansinn ...

Daginn eftir skruppum við Dóri í heljarinnar hjólatúr ... þar sem ekkert var dregið af og ófærurnar ekki látnar stöðva ferðina.

Að ferðast á hjóli kringum Viltvatten er ekki fyrir neina aumingja ... ;)

Síðasta heila deginum var svo varið í göngur um götur og stræti Uppsalaborgar ...

Þar með lauk þessari heimsókninni ...

Nóg í bili ...

Athugasemdir

[Stjóri (IP-tala skráð) 11.5.2010 kl. 23:34]

Ánægjan var ekki síðri hérna megin með að hitta ykkur loksins á heimavelli! Eins og alltaf var náttúrulega frábært að vera með ykkur og virkilega gaman að skoða þessa vinalegu borg, sem og Skansinn. Hjólatúr okkar félaganna um Viltvatten og nánasta torfæru-umhverfi var punkturinn yfir i-ið í ferðinni   Þau litlu náðu greinilega vel saman og Guðrún Helga í töluverðu uppáhaldi hjá Bjarna Jóhanni - hann spurði í það minnsta nokkrum sinnum eftir henni eftir komu okkar til Noregs :)

Takk kærlega fyrir frábærar móttökur...og við sjáumst fljótlega hér á klakanum!