Mánudagsmetall XI - Guddan slöpp

Guddan hefur verið heima í dag ... var með hósta og kvef í morgun.  Ég, sem alltaf er afar fyrirhyggjusamur, ákvað því að hafa hana heima í dag.

Við áttum fínan dag saman ... ég reyndi að vinna eins og hægt var, en sinna henni líka ... með sóma.

Hvorttveggja gekk bara vel, þó ég hafi sjálfsagt staðið mig ívið betur í Guddu-gæslunni, en í doktorsnáminu ...

Svo byrjaði sú stutta á þessu í dag ... sjá mynd ...

Þessi dagur hefur sum sé verið hinn allra besti ... og þægilegur í alla staði ...

Ég leyfði mér að horfa aðeins á móttökuathöfnina hjá handboltalandsliðinu ... Valgeir Guðjóns alltaf sterkur ...
Kastljós-viðtalið við Guðmund þjálfara og strákana tvo var líka með fjörlegasta móti.  Gaman að heyra viðtal þar sem er rætt um eitthvað annað en "hvort ekki eigi að vinna leikinn", "hvort ekki hafi verið gaman að vinna" og "hvort íslenska liðið sé ekki bara svona rosalega gott lið".

******************************
26. dagur í líkamsrækt árið 2010

Í dag hafa hásinarnar verið mjög aumar og ákvað ég því að hvíla þær ... frekar en að slíta þær eins og Grétar stærðfræðikennari í MA gerði forðum, já og Sverrir dönskukennari í Austurbæjarskóla.  Í báðum tilfellum gleymdu þeir því að þeir voru ekki 18 ára lengur ... ég er heldur ekki 18 ára.

Á morgun er taekwondo-æfing, sem ég ætla að mæta á
******************************

*********
1. dagur í ekki-kók-drykkju

Rúllaði verkefninu upp í dag ;)
*********